🔴 ४८ तासांत बेपत्ता मुलगा सुखरूप सापडला

🔴 ४८ तासांत बेपत्ता मुलगा सुखरूप सापडला

सीसीटीव्ही व तांत्रिक तपासाच्या जोरावर बार्शी पोलिसांचे यश
महासत्ता टाइम्स…

शहरातील टिळक चौक परिसरातून बेपत्ता झालेल्या १३ वर्षीय श्रेयश चव्हाण याचा बार्शी पोलिसांनी अवघ्या ४८ तासांत पुण्यातून शोध लावून त्याला सुखरूप पालकांच्या ताब्यात दिले. पोलिसांच्या तत्परता, तांत्रिक कौशल्य आणि समन्वयामुळे ही शोधमोहीम यशस्वी ठरली.

२ जानेवारी रोजी घरातून निघून गेलेल्या श्रेयशचा शोध घेण्यासाठी पोलिसांनी बसस्थानक, रेल्वे स्थानके आणि सार्वजनिक ठिकाणांवरील सीसीटीव्ही फुटेजचे बारकाईने विश्लेषण केले. तपासात तो पुणे येथे गेल्याचे निष्पन्न होताच विशेष पथक रवाना करण्यात आले. अखेर ४ जानेवारी रोजी त्याला सुरक्षित ताब्यात घेण्यात आले.

सर्व कायदेशीर प्रक्रिया पूर्ण करून मुलाला पालकांच्या स्वाधीन करण्यात आले. या यशस्वी कारवाईमुळे नागरिकांत समाधान व्यक्त होत असून या मोहिमेत सपोनि झालटे यांच्या नेतृतवखाली डीबी पथकातील पोहे कॉ ठोंगे,केकाण,राहुल उदार,सतीश उघडे,बाळकुर्षन मुठाळ,वैभव भांगे यांनी मोलाची भूमिका बाजवली.बार्शी पोलिसांच्या कार्यक्षमतेचे कौतुक होत आहे.

Author: Mahasatta Times