🗞️ बार्शी नगरपरिषदेत नेतृत्व बदल, उपनगराध्यक्षपदी रोहित पाटील

महासत्ता टाइम्स…..

🗞️ बार्शी नगरपरिषदेत नेतृत्व बदल, उपनगराध्यक्षपदी रोहित पाटील

बिनविरोध निवडीनंतर सत्ताधारी-विरोधक एकत्र काम करण्याचा सूर

महासत्ता टाइम्स …..

बार्शी नगरपरिषदेच्या उपनगराध्यक्षपदाची निवड प्रक्रिया पार पडत भाजपचे नगरसेवक रोहित रमेश पाटील यांची बिनविरोध निवड जाहीर झाली. विरोधी गटाकडून उमेदवारी न आल्याने ही निवड कोणत्याही स्पर्धेशिवाय पार पडली. निवडीनंतर शहराच्या विकासासाठी सत्ताधारी आणि विरोधक दोन्ही बाजूंनी समन्वयाची भूमिका मांडण्यात आली.

निवडणुकीसाठी नगरपरिषदेच्या स्व. भाऊसाहेब झाडके स्मारक सभागृहात विशेष सभा आयोजित करण्यात आली होती. निवडणूक निर्णय अधिकाऱ्यांनी रोहित पाटील यांच्या अर्जाची वैधता तपासून त्यांच्या नावाची अधिकृत घोषणा केली. यावेळी नगराध्यक्ष, मुख्याधिकारी तसेच सर्व नगरसेवक उपस्थित होते.

सध्याच्या सभागृहात महिलांचे प्रतिनिधित्व जवळपास निम्मे असल्याने कामकाज अधिक शिस्तबद्ध व पारदर्शक पद्धतीने चालवावे, अशी अपेक्षा व्यक्त करण्यात आली. विकासाच्या मुद्द्यावर राजकारण न करता सर्व घटकांनी एकत्र येऊन निर्णय घ्यावेत, असा सूर चर्चेतून पुढे आला.

दरम्यान, उपनगराध्यक्षपदाची जबाबदारी स्वीकारल्यानंतर रोहित पाटील यांनी शहरातील नागरी सुविधा, मूलभूत सेवा आणि प्रशासनाशी समन्वय वाढवण्यावर भर देणार असल्याचे सांगितले. या निवडीमुळे नगरपरिषदेच्या कामकाजात स्थैर्य येईल, असा विश्वास नगरसेवकांनी व्यक्त केला.दरम्यान जिल्हाधिकारी कार्यालयात जिल्हा प्रशासन अधिकारी यांच्याकडे बार्शी नगर परिषदेच्या शिवसेना (उबाठा) आघाडीची विधिवत नोंदणी करत गटनेंतृपदी तसेच विरोधी पक्षनेते पदी अनुभवी नगरसेवक नागेश अक्कलकोटे यांची नियुक्ती करण्यात आली.

Author: Mahasatta Times