🏆 राज्यस्तरीय कबड्डी स्पर्धेत पुण्याचा संघ विजेता

महासत्ता टाइम्स…

🏆 राज्यस्तरीय कबड्डी स्पर्धेत पुण्याचा संघ विजेता

कर्मवीर मामासाहेब जगदाळे जयंतीनिमित्त स्पर्धेचे आयोजन

प्रतिनिधी | बार्शी

कर्मवीर मामासाहेब जगदाळे यांच्या १३२ व्या जयंतीनिमित्त बी. पी. सुलाखे कॉमर्स कॉलेज, बार्शी, महाराष्ट्र कबड्डी असोसिएशन, सोलापूर कबड्डी असोसिएशन व पुण्यश्लोक अहिल्यादेवी होळकर विद्यापीठ, सोलापूर यांच्या संयुक्त विद्यमाने आयोजित राज्यस्तरीय निमंत्रित कबड्डी स्पर्धेत
पुणे येथील राकेशभाऊ कुलकर्णी कबड्डी संघाने प्रथम क्रमांक पटकावला.

विजेत्या संघाला ३२ हजार रुपये रोख व आकर्षक चषक देऊन सन्मानित करण्यात आले.
स्पर्धेत स्वास्तिक क्रीडा मंडळ, मुंबई (उपनगर) संघाने द्वितीय क्रमांक मिळवून २२ हजार रुपये रोख व चषक, तर छावा क्रीडा मंडळ, कोल्हापूर आणि शिवप्रतिष्ठान क्रीडा मंडळ, धाराशिव या संघांनी संयुक्तपणे तृतीय क्रमांक मिळवत ११ हजार रुपये रोख व चषक पटकावले.

🏅 वैयक्तिक उत्कृष्ट कामगिरी पुरस्कार
• विशाल ताटे – बेस्ट रेडर
• विक्रम पसरार – बेस्ट डिफेंडर
• झोनवर जाधव – ऑलराऊंडर

🎖️ प्रमुख उपस्थिती

कार्यक्रमास संस्थेचे कार्यकारिणी सदस्य राजेंद्र पवार यांनी अध्यक्षस्थान भूषविले.
यावेळी माजी नगराध्यक्ष रमेश पाटील, संस्था अध्यक्ष डॉ. बी. वाय. यादव, विद्यापीठ अधिष्ठाता डॉ. शशिकांत तावरे, सहाय्यक पोलीस निरीक्षक दिलीप डेरे, महाराष्ट्र महिला कबड्डी असोसिएशनच्या अध्यक्षा तसेच महाविद्यालयाचे प्राचार्य डॉ. एस. बी. कांबळे आदी मान्यवर उपस्थित होते.

याप्रसंगी कुलगुरू डॉ. दामा व माजी आमदार राजेंद्र राऊत यांनी खेळाडूंना मार्गदर्शन केले.
स्पर्धेचे प्रास्ताविक प्रा. रोहित जाधव यांनी केले.
सूत्रसंचालन प्रा. प्रेमा तळेकर यांनी केले, तर आभार प्रदर्शन राजेंद्र पवार यांनी मानले.

⸻

Author: Mahasatta Times